الفقيــــــــــــــــــه ... وخرافة الجـــــــــــــــــــــن والسحـــــــــــــــــر

نبداو بالفقيه راس الحَرْبَة هو مُول الجن والسحر الفقيه فقديم الزمان كان فقيه او طبيب او قاضي او معلم حيت هو لي كان قاري فالقبيلة يعني حَافْضْ القرآن او قاري شوية ديال السنة... هاد الشي لي خلاه يولي رجل مُقَدسْ أما دَبَا ولا غير مسكين... أي واحد وقعات ليه شي حاجة فالقبيلة كيمشي عند الفقيه نظرا لعظمة الفقيه مَكَانْشْ كيقول معرفتش كلشي كيعالجو...الفقيه هو لي ختارع داك القصة ديال الجن كيسكن فالإنس...اي ظاهرة مَفْهَمْهَاشْ كيلصقها للجن.... راجل كان غادي جات فيه حجرة الجن لي ضربو... شي واحد هرب من دارهوم الجن داه ههههه.... حيت كان الجهل كلشي آمن بهاد الفكرة مع الأسف بنادم مزال كيتيق بهاد الخرافات ف 2015 .

ندوزو لسحر لفقيه كيدير السحر او هو لي كيحيدو ههه... لي بغات تشتت شي عائلة كتمشي عندو... لي بغات راجلها يولي حنين كتمشي عندو... لي يغات تزوج كتمشي عندو.... الفقيه كيستعمل الجن او الجن عندو قوى خارقة... الفرق بين داك الوقت او هاد الوقت ان الفقيه كان كيدير هاد شي غير بسلة ديال البيض البلدي اما دبا ولا كيدير هادشي بلفلوس او كيتعامل مع البنك الشعبي.
تحليل الجن: الجن مخلوقات بحالها بحال الانس قال الله تعالى: (وَمَا خَلَقْتُ الْجِنَّ وَالأِنْسَ إِلاَّ لِيَعْبُدُونِ) الفرق لي كاين هو ان الجن خلق من نار والإنس من صلصال الجن يقد يشوفنا او حنا كنقدروش نشوفوه او سدات مدام.... الجن كاين ولكن ميقدرش يْضْرْنَا والانسان ميقدرش يتحكم فيه...سيدنا سليمان هو الوحيد لي تحكم في الجن بادن من الله اما الباقي غير اشاعات او كون كان شي واحد من موراه يقدر يستعمل الجن كون الرسول(ص) استعملهوم ... كاين لي كيقول بلي الجن و السحر مدكورين فالقرآن و الحديث أولا القرآن كل واحد او كيفاش كيفهم الاية... اما الحديث كاين احاديث بزاف على هاد الموضوع غير صحيحة كلها كدوب متلا: قد روى الطبري بإسناد حسن عن أبي ثعلبة الخشني أن النبي صلى الله عليه وسلم قال: "الجن ثلاثة أصناف: لهم أجنحة يطيرون بها في الهواء، وصنف حيات، وصنف يحلون ويظعنون".

الحديت التاني : أكل الجن الروث والعظام ففي صحيح البخاري سأل أبو هريرة محمد(ص) بعد عن سر نهيه عن العظم والروثة، قال: "هما من طعام الجن، وإنه أتاني وفد من جن نصيبين فسألوني الزاد، فدعوت الله لهم: وأن لا يمروا بعظم ولا بروثة إلا وجدوا عليها طعامًا"
هاد الشي غير خرافات حيت الانسان ميقدرش يشوف الجن او ميمكنش يعرف شنو كياكل.... حنا فالمغرب الجنون مراض ب طونسيو مكياكلوش الملح هههه... بزاف ديال الناس كيعتاقدو بلي الشيطان عندو القرون او ودنيه طواال او هاز مْدْرَة هههه
من أسباب دخول الجن لجسم الانسان:
-التواجد في أماكن ترتكب فيها المعاصي والفاحشة بشكل عام :
واش عمرك سمعتي شي بارمان مسكون كيدوز النهار كامل فالفاحشة هههههه.... او شي واحد ساكن فدار الدعارة مسكون؟؟؟

تحليـــــــــــــــــــل السحــــــــــــــــــــــــر:
السحر أنواع و اغلبه يعتمد على الجن... السحر كاين لي كيقول بلي صدفة و النتيجة تختلف من شخص لاخر و اشهر واحد شكك في السحر هو "جيمس راندي" دار تحدي باش يعطي مليون دولار لاي واحد يجيب دليل علمي علي صحة السحر عند الأشخاص لي كيداعيو بلي عندهوم القوى الخارقة... ولكن حتا واحد مقدر يتبت السحر علميا...
قال الله تعالى: (وَأَنَّهُ كَانَ رِجَالٌ مِنَ الْإِنْسِ يَعُوذُونَ بِرِجَالٍ مِنَ الْجِنِّ فَزَادُوهُمْ رَهَقًا) يعني رجال من الإنس يلتجئون إذا خافوا إلى رجال من الجن طلبا لحمايتهم من أتباعهم ولكن الخوف ديالهم كيزيد يكبر او كيزيدو يضعافو حيت مقدروش يتواصلوا مع الجن او الجن مقدرش يحميهوم ...

هاد الأفكار خاصها تزول - هناك من يبول في اذنك عندما لا تصلي الفجر.- القط الاسود عبارة عن جن متخفي.- الكلب الاسود عبارة عن جن متخفي- يمكن ان يضرك انسان بمجرد النظر اليك ( العين )- يمكن ان يضرك انسان بمجرد الغيرة مما لديك ( الحسد )- يمكن ان يضرك انسان بمجرد تمتمة بعض الكلمات ( السحر )- يمكن ان يسيطر عليك العفاريت و يتحكموا بك.
خلاصــــــــــة الموضــــــــــــــــوع:
الموضوع طويل بزاااف مبغيتش ندخل فبزاف ديال التفاصيل
لمهم بزااف ديال المصدقين لهاد الموضوع غدي يجيبو احاديث او آيات من القرآن حيت صعيب تزول هاد الاديولوجيا من عقولهم بغيت نقول ليكوم : 1- الا كاين شي واحد يقدر يتحكم فالجن ويدير السحر يسيفط شي جن يشتت اليهود باش فليسطسن تولي حرة راه عينا مندعيو كل جمعة او مزال مولات حرة
2- يسفط شي جن يجيب لينا الاسرار ديال أمريكا او روسيا او الصين باش نوليو حنا اقوى دولة
3- يدير الخير غي فراسو يسيفط شي جن لأبناك يجيب ليه لفلوس او يشري شي جلابة لراسو او بهنينا من الصداع...
أخيرا قال الفيلسوف " ماكس هوركهايمر " في كتاب " كسوف العقل " كل عقلٍ مُأَدْلَجْ اغتاله وحش الاديولوجيا يعد استقلاله مستحيلا.